[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,6,gray" type=2 line=0 align=center use=ex num="0,black""]
يامل قلبن مابقى داخلـه حيـل=ضاقت به الدنيا وهو بين ناسـه

فجر ضلوعي بالعنا والتهاويـل=من كثر مابه لخبطتني حواحسه

اثر الوله والشوق ساس الغرابيل=تفقد لراعيها الذكـى والفراسـه

قمت اتذكر بو الرموش المضاليل=وزادت اشعور الفواد وحماسـه

والبرق يبرق والرعد بالمخايـل=امطر على قلبي وبشوق داسـه

قمت آتخيل له معي باخر اليـل=وهو على فرش الهنا والوناسـه

وانا آتمعن فيه مثـل المهابيـل=اليـن ماعقلـي بـدا بالتماسـه

ثور بي الهاجوس واشعل قناديل=واطفى شموعن ولعة فوق ماسه

والا وانا في موقعي احط واشيل=على النقى ماهو بخبث ونجاسـه

مشتاق له شوقت هل البن والهيل=والراسل ماغيره يطير عماسـه

حرام مهدى وانبسط يارياجيـل=مادامني حين ولاجبـت راسـه

هو سعد روحي والغرابيل والويل=فداه لو حالي يجيـب انتكاسـه

فداه عمري والمحبيـن والجيـل=فداه حبن ماعرف وش مقاسـه

ماله ولو بدلنـي اليـوم تبديـل=حيث ان قلبي شايله من اساسـه

له الغلا والحب ترسل مراسيـل=وياجعلها منـي تضلـي لباسـه [/poem]