المشاركة الأصلية كتبت بواسطة عالمي زهران
عديتوا الدور الثامن .. ونازلين عالدور الرابع .. بس ياترى بيتكم فين .. في الرابع .. ولا الارضي !! فيما يبدوان الدورالرابع جدا مناسب .. واسع ورحب .. وفيه بلكونه .. يمديك تطل على النهائي وتستمتع بالهواء العليل .. وتاخذ نفس !! لو بيدي الامر .. فضيتها سيره .. بلا اسيويه بلا هم .. خلكم في المحليه .. اسرحوا وامرحوا .. بلا فضايح .. بلا وجع راس !! وش غداكم تتاهلون .. ياليتها عالصفر .. وخرجتم .. ابرك من مهزله قادمه لامحاله !! الايرانيين في الطريق .. وش الدبره ياولد !! الله يخارجنا بس .. من هالفرق اللي تفشل .. مستوى هزيل .. فريق متهالك .. بالعربي .. كيرم !! ############################################### شوكات وملاعق >> * سامي سنتر .. ابى الا ان يضع له بصمات في سجله الحافل باللقافه .. فتدخل في تبديل الحكم .. وادلى بدلوه في الموضوع .. ومابقى الا ينزل يحكم !! * اللاعب الدولي المنضم حديثا للمنتخب .. قلب الدفاع الصلب .. المتمكن .. اليابس .. خيراته ماتتفوت .. ونعم الاختيار يابي سيروا !! * الحاسر اثبت بما يدع أي مجال للشك .. انه مهاجم جو .. مهاجم استراحات .. مهاجم برحه .. مهاجم .. أي كلام .. ياعبسلام !! * من اليوم ورايح سنطالب الاتحاد السعودي بالتاكد من قدرة الفريق الممثل لنا خارجيا .. فنلسنا محتاجين لمشاركه مذله .. ناكلها بالاربعات والخمسات .. وبالاخير نقول ممثل وطن !!* اصبحت سمعة الكره السعوديه في الحظيظ .. بمشاركة هذين الفريقين .. الرئيسي والفرع .. صبها احقنها .. واحد اكلها باربعه وبغى ينجن .. والثاني طاير من الفرحه بهزيمه على ارضه !! * يجيني واحد متهور .. وينادي بالوطنيه .. ااقوله .. دوير .. سوقك مااش .. عاش الاصفر عاش !! * اذونا بالوطنيه .. وفين الوطنيه .. وعشان الوطنيه .. وكل هذا عشان ميول .. مارفعنا علم ونزلنا علم .. لعيون رومان !! * كل الحكايه .. ليست وطنيه .. بل لتحفيز كافة جماهير الانديه للوقوف جنب ممثل الوطن .. فعلا ممثل .. والا بالله كيف بيمتلي الملعب !! * اول مره اشوف متلزخ فرحان بالتلزيخ .. نعنبو ابليسك .. قلبك ميت .. يعني لو اقولك .. خلني اشوت فيك الين اصبح .. واعطيك بطاقه تاهل .. توافق !! * لك الله يابو سعيد .. ماخيبت ظني فيك .. يوم قلنا ياسر الحاسر .. فعلا اثبت لهم انك حاسرا خاسرا .. لامستوى ولا نتيجه .. مجرد تاهل .. لايقدم ولا يوخر !! * العام قلت .. لن يتعدى دور الستعش .. وهالسنه اقول .. لن يتعدى دور الاربعه .. ( يحمد ربه ماقلت قبل مباراة امس ) .. وسجلها علي .. ان تعدى هالدور .. ثلاث بطاقات شحن اوم ميه ومارح اقول اوم خمسين .. .. لاول ثلاث هلاليين يسنترون في الموضوع القادم .. طبعا هذا اذا ماتوقفت .. مثل اخوياي !! * المعلق الملغ .. صاحب ( في المرمى .. في المرمى ) اتجه للاتحاد الاسيوي .. ووجه رسايل بالجمله .. عن التحكيم .. والعالم كلها تشوف وتشاهد .. فريقك داااج .. يا احمق .. خل عنك التحكيم .. فانتم اخر ناس في الدونيا .. تتحدث عن التحكيم !! * تبديل الحكم الرابع .. شي مو طبيعي .. لم يحدث من قبل .. فقل ان ترى مثل ذلك .. مثلما .. قل ان تجد مثل هذا الحظ الغير طبيعي !! اخيرا .. احيانا من العشق ماقتل .. ومن يعشق ربما يقتل .. ولكن القاتل لايمكن ان يكون في يوم عاشق !!