مامن الاعلام الا ستر الله الديار نفس الديار والبلاد مريت وريت
مابه شي نخبر عنه الامطار ياربي لك الحمد جتنا خير وبركة
واسأل الله ان يجعلها نعمه ولا يجعلها نقمة
مامن الاعلام الاخير ستر دايم وخير عايم والحمد لله
ماشي ثمرة ولاحد يزرع المدرة الوادي اغبر والبيت اخضر
غيرها ماطرا علينا الا الارهاب واهله كل يوم نسمع علم
من الجرايد والصحف والتلفزيون اسأل الله ان يردهم لرشدهم
وان يصلح لهم حالهم ويغير احوالهم
مغيرها الا لفينا يم مجلسنا ولقينا موضوعكم الحلو وقلنا
نعلمكم بعلومنا وديارنا وغيرها سلامتكم وسلامت السامعين اجمعين..
الرد
حياك الله وحيا علمك من ممشاكم الى ملفاكم
والله لايهينكم
الاخبار واحدة من عندنا لاعندكم
ماعندنا مانعلمكم به
الاخبارو الصحف والفضائية مابقت شي
اليوم يعرفها القحم والكهلة
ولاعد شي نعلمكم به
جانا امطار الحمدلله مامن خلاف
اخضرت الدنيا
وكلتها القره
غير ان في جدة
سمعنا بشي مايسر
من الامطار
والاسواق ماتنقرب من الغلى نسال الله العافيه
اما مجلسنا بخير
مرت عليه هبه وهي مرت على كل بيت
ذا البرد مابقى حد
واليوم اشوى
حياكم الله لحاجه ولغيرها
هذاياخونا الصالح مانعلمك به وسلامتك انت ومن يسمع