[نسيم السروات]

بنات أنا في نفسي حاجة فاقعة مرارتي من زمان وهي مشي العروس حبه حبه بصراحة سخافة

تجلس ساعة وتمشي خطوة وهكذا الين الحريم يلعنون أم الساعة اللي جت فيها هههه

كثير من المرات ودي أجي من وراء العروس وأدفها وأقول لها سيري حركي أرجولك ترى طفشنا

تسوي لها زفة مقطع طوله عشرات الدقائق يا أمي خلاص عيب كثر التمخطار أكثر الناس ماهي فاضية لك

اللي زوجها يناديها برى واللي عيالها في البيت تاركتهم عشان حضرتك مانعة دخول الأطفال والعريس مسكين أحترق رزه يبيك تعجلين

والعشاء برد والناس ميته جوع وأنتي يااااااااااااااادافع البلا تمشين على مهلك وتوزعين أبتسامات ولاااااا على بالك من حد

والله يابنات حضرت زواج وحدة زهرانية كانت تدرس في إمريكا وجابت السيدي حق الزفه معها من هناك تدرون كيف دخلت

دخلت علينا فجة تمشيى مشي عادي وترقص رقص خفيف غربي بالمسكة حقتها تلوح بها يمين وشمال والمصورة تصور فيها

يالله تلحق عليها وكانت روعة وزفتها روعة وطريقتها روعه أهم شئ المصورة تلتقط أحلى اللقطات الرائعة وهي تمشي وهي

تلوح بالمسكة و تتلفت مسرعة ثم تجلس على الكوشه وتبدأ تستقبل المهنيات وتسلم عليهن بكل خفة دم وروح مرحة

أنا ودي أن البنات تبطل طول وقت الزفة تخلي وقت التصوير قبل الزفة تتصور في الغرفة المعدة لها وتنادي عريسها وتتصور

معه في تلك الغرفة أما أمام الناس فتحاول تختصر الوقت والتصوير عشان ما تطفش الحاضرين وبعضهم يشمئز منها ومن طول وقوفها .

هذه وجهة نظري الخاصة وأمل أن تقبلوها بروح رياضية .

وألف شكر لك أختي الغالية ع-ق - الزهراني

على الموضوع الرائع وأن شاء الله لي عودة .