[سعيد الكناني]

[poem=font="Arial,5,purple,bold,normal" bkcolor="transparent" bkimage="backgrounds/5.gif" border="double,7,purple" type=1 line=0 align=center use=ex num="0,black""]
الله يمحقكم بطيرٍ أبابيل=ياللي فتنتم بين خلّ وخليله
كم عاشقٍ سهران ما يرقد الليل=يجر موّال الحزن كل ليله
يضحك ويبكي عزتي له من الويل=اصبح كما المجنون ياعزتي له
من بعد فرقا ام الرموش المضاليل=اللي تساوي في عيونه قبيله
وش عاد يرجي بعدها من مداخيل=ماله عوض عنها ولاله بديله
عزّاه فيها كل حيٍّ وحلحيل=وعزّاه كل انسان فاقد سليله
وانتم سبب حزنه وزود الغرابيل=حيٍّ مع ناسه وروحه قتيله
انتم خفافيش الظلام المجافيل=ياهل القلوب الموبقات العليله
فرقتم اهل الطيب من جيل لاجيل=واذيتم اللي كان عابر سبيله
يالله عساكم بالسيوف المصاقيل=ياهل الحسد والكره واهل الفشيله
والله يمحقكم بطيرٍ أبابيل=ياللي فتنتم بين خلّ وخليله
[/poem]