[عبدالله الطنيني]

رسالة منك ترضيني

[poem=font="Simplified Arabic,6,green,bold,normal" bkcolor="transparent" bkimage="" border="double,4,darkred" type=1 line=0 align=center use=ex num="0,black""]
حبيبي لا تعذبني وتصـدر حكمـك الجايـر=عليك الله تراعيني وتذكـر ماضـي ايامـي
رجيتك لا تناسى ما مضى في أمسنا العاطـر=تغيّر وجهة الدّفّة وتطفي مشـرق احلامـي
على ماذا الجفا هـذا تزيـد الصّـدّ وتكابـر=وانا لاجلك صبرت اسنين أكابد جرحي الدّامي
نظمت الشعر في طاريك : ولك يازهرة الناظر=تغزّل منطقي وابريت لـه فكـري والاقـلامِ
على طاري هوانا وآتخيّـل طيفـك العابـر=يجدد حالة الذكرى وينعش مصـدر الهامـي
ليالِ اطوال عشناها نسامر نجمهـا السامـر=أنا والليل واشواقـي تتالـى طيلـة العـامِ
رسالة منك ترضيني ومنها جبـرة الخاطـر=تردّ الروح في روحي وتروي قلبي الظامـي
رجيتك لا تحدّاني وتعلن من هـو الشاطـر=أنا سلّمت : مالي حيلـةٍ وتراجـع اقدامـي
ولي قلبٍ حنونٍ ما يقـاوي قسـوة الهاجـر=كفاية ما تلوّع بالغضى من جمـرك الحامـي
وحتى النوم والراحة تحارب طرفي الساهـر=وانا اخشى تالي المدّة سهادي يصبح الزامي [/poem]

وسلامتكم