[شمس عصرا]

اقتباس: المشاركة الأصلية كتبت بواسطة سـحـــاب      والله اشوفك قمت تتهزا بسنوني يا شمس عصرا،،!! آهي خِلقة الله اللي خلقك، تحاش على نفسك،،، آني سمعت ان خِلقتك شريفة ،، مدري منهو ذاك يعلمني،،، يحلف ويقسم ان الناس يتهولون منك لا بديت عليهم

دريت اني شريف خلقه ,وشريف مذهب وطبايع,جدتيه تحلف وتقسم انها كانت تشوف وجهيه جوف الظلمه من بياضه وهيالته
لكن معيونن ياسحاب...ولا آنا ماسمونيه شمس عصرا الا على سنع كهله من جهت الفراع, شافتنيه في صده,قالت من ذيوك آولد وجهه تقول شمس العصر...
ومن ذاك النهار من جرفن في دحديره...الله يسمحها وكان

واني ماسهمت في النسوان على ضعافتيه لهنه وحبيه لرضاهنه...كلما خذيت واحده صابنيه كما فتحت الشر وافلحت من بين ايديه كحل باكيه
وان الله مد فاعمارنا...ان شالله لبعد اعلمك باللي جرى ليه من تا الهجره اللي ماريحت حد..واعلمك كم خذيت من النسوان وكم شقيت في تالدنيا لا اله الا الله الشكوى على الله

واما من شان المعهد,فابشر بالادارة الناجحة وراتبيه فرق حنطه كل شهر مابغي اشكل

وانت لاتلحق ذاك القحم كان فراش في مدرسة ابتدائيه(ماكان قحمن ذيك الايام)..والا غاب حد من الطلاب, خذ دفتر الغياب وسمى يدور على بيوت الطلاب الغايبين يعلم اهاليهم ويبصمهم عالورقه...

وكان يليس متى حد يغيب ,عشان يقع له هرجه حلاه والا ضحكه هيله والا فنجال قهوه...وكانت الخطر طيبه والنفوس متواطيه الله والي الدنيا وراعيها

واما من يمة ذا المقطع ياسحاب اللي جابه الحصن..فامره بسيط, آمشكله فاللي بعده, لجل لقطوك وانته ترقص رقصة الشبك (يسمونها الدبكه ذلا التالين ماهب كما اساميكم يالاولين)
لكن الله غفور رحيم ياقحم سحاب وكلن جهل ماهب مهلاه انته
وابشرك كهلتك شريفة ماعاد تبصر طخه حتى لاحد يشغله لها ماعينه تصيرك جهدا...لكن الله يهديك والله انك في غفله ياقحم سحاب