[عبدالله الطنيني]

غيوم الحســـَد

[poem=font="Simplified Arabic,6,indigo,bold,normal" bkcolor="transparent" bkimage="" border="double,10,green" type=1 line=0 align=center use=ex num="0,black""]
ياسما غيمك تقشّـع وجـوّك مـا صفـا=حال دون الغيم غيم الحسد والحاسديـن



حـال دون الغيـث والوجـه ردّه للقفـا=يبست الخضراء وساعد على جور السنين



ديدن الحاسد ولـو هـو غنـيٍّ مترفـا=شاط غيره بالحسد لو يكن صفر اليديـن



لو تكون اموال قارون ملكه مـا اكتفـى=والغنا في مظهـره والنعايـم لـم تبيـن



مظلمٍ قلبه ووجهـه مـن النـور انطفـا=يعترض في قسمة الله من حيـنٍ لحيـن



والحيا من خلقتـه قـد تبـرأ واختفـى=من علامات الذي ساير ابليـس اللعيـن



ما تقيّـد بالرسالـة وهـدي المصطفـى=ثم ترضيـه القناعـة ويؤمـن باليقيـن



إن يحدّث ما صدق وان يواعد مـا وفـا=بئس من هذي طباعه ويا علـمٍ مشيـن



في علوم الشين عنده رصيـد ومصرفـا=مثل هذا يرفضه كل عِـرْف وكـل ديـن



في غيابه ما نشدنـا وايـلا منّـه لفـا=مافرحنا به ولا له في الحضـرة ظنيـن[/poem]

الحقوق محفوظة حفظكم الله

وسلامتكم يا كرام