[بحــــار]

[align=center]إلى من يعلم أن الرثاء ليس موقف سياسي وحسب.....إلى من قرأ وكتب أحب .... إلى عقول تعي ما أقوله دون التأويل
بتطرف أو وسطية .....فكل ما هنالك رثاء لمحبوبة فقدت......ونكأ فقدها جروح تدمي

فلوجة الحرب

[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
فلوجــــة الحرب يابنت العرب حسره=ما قد سمعت اسمها من قبل نفقدهـا
جغرافيـــا ظالمــه وعقول مظطـــره=تحفظ حـدود الادب لاجت تحددهــــا
ان جا المدرس على بغـداد والبصره=حضــر لها درس عنوانه ابجحدهـــا
وان جا على حصه امريكا حلف عمره=ماغاب عن حصـة امــريكا ومجــدها
قال احفظوا حدها من شرق سامره=حتى نهايـــات واشنــطن وموردهــا
واذا انتهى الدرس جاك الطالب الخبره=طلع كتــاب السنيـــن اللى معيـــدها
يتصفح اللى بقى من مــده وجــزره=ويشق صفحه عـــراق مات منجدهـا
يا معظم الأجــر في سلوانه وصبره=وشلون يحفظ حدودك يامحددها...!!
وشلون ينسى الرشيــد ودولته كبره=وشلون ينسى الجيوش الى مجرمدها
وشلون ينسى المعارك والحسام امره=بامرة سيــــوف توفى من يجـــردها
خايف على حصــة التاريخ من بكره=تهزى بنا في كتاب اسمه موحـدها
ويصير بـــوش البطل ونلبسه غتـره=وتصير خنسـائنا رايس ومولـــدها
ياطالب المدرســه مل القلــم حبـره=خلك على مرسمتك وخفف اسودها
لاجيت ترسم حـدود الـدوله الحـــره=يمكن تزيد المســــاحه في تمددها
وان جيت تكتب ورى استاذكم مره=في حصــــة الــدين والآيه مشهدها
(وجاهدوا في سبيل الله )لا تشره=اكتب عباره.... هنا الاستاذ زودها
وشلون اجاهد واودي راسي لقبره...!!=واموت ما شفت بالدنيــا زبرجـدها
تكفى طلبناك يا أستــاذ ياحضره=هذي عداءات لامريــكا تســـددها
وان كنت ناوي على الفتنه خذ الجمره=واحــذف بها في ثيابك ثم وقــدها
ياطــالب العــز خل المدرسـه عبره=مديرهــا تحت إمرة من يشيــدها
خلك على ملتك وابقى على الفطره=لاتعطي استاذنا فرصــه يهـودها
قــول الله اكبر وردد قولها عشـره=ماخاب من قالها واضحى يرددها
جاهد على النفس واعمل كل ماتكره=ترى الفــواكه تعــذب من يشاهـدها
واذا اعجبك شكلها في حضرة الخمره=حـــورية الخلد تســـكر في تمــردها
يابن العرب سل سيفك واكتب النشره= اخبارنا... ملـت اسماعـــي تعودها
يابن العرب لايخيفك جيش ابو حمره=اوقف لهم باب والسيفيــن مرصدها
هات الخريطه وهات الخيط والإبره=ما عـــــاد للشق رقعه يامجاهدها
يابن العرب وش ورى بغداد والبصره=والقدس.. والاندلس... ياللى تعددها
(فلوجة الحرب) تبقى للعـرب حسره=مادام بـــرق الســما يلفح براعـدها[/poem]


بحـــــار[/align]