[محمد الساهر]

نص القصيدة للشاعر سعود العتيبي:

"سلامتك من كل شرا يا غالي = الحمد لله على السلامه ولا باس
طهور ولو العافيه ما زلالي = لنصبها لك كاس والله ورا كاس
يحميك ربك شر سود الليالي = الله يبعد عنك الشر والباس
شرفت دارك يا كريم السبالي = يالنادر اللي كاسب الطيب نوماس
وعم الفرح ثم انشرح كل بالي = شفت الفرح مكتوب بعيون ها الناس
انته شبيه الغيث في كل حالي = ياسيل خير ومروين نبت يباس
يامعاق ارقابا هوت لامحالي = اعتقتهم من قبل وقفات الأنفاس
وزبن الفقير اللي مايلقى الريالي = واللي غرق فالدين لوكان غطاس
مدات جودك وافياتا جزالي = انته كريم ابدون حدا ولاقياس
يابو اليتيم انته من اول وتالي = يلقى حنان الأب مع عذب الإحساس
شايل هموم الناس لوهي ثقالي = ذكرك وفعلك كلها ترفع الراس
لك منزلا بقلوبنا فوق عالي = بعد الله انته مبعد الهم والياس
واحمدك ياربي عظيم الجلالي = اليوم أبو متعب تعافا ولا باس".




الله يحفظ ملكنا ويمده بالصحة والعافية

والف حمداً لله على سلامتك يالغالي

دمت لنا فخراً

اللهم احفظ لنا ملكنا ابو متعب

اللهم اشفيه وعافيه

نسأل الله ان يطول في عمر ابو متعب