[شتآتـ]

اليوم الوطني
يوم كأي يوم عادي يخرج فيه الناس يحتفلون وغالبيتهم يلبسون ابيض واخضر حبا لوطنهم واستدلالا على وطنيتهم وانتماءهم
ويمر احمد الي له خمس سنوات عاطل مالقى له وظيفه لان ماعنده واسطه على صديقة عبدالعزيز الي ماعنده سياره لان ابوه عليه قروض وديون وبيتهم إيجار ولاقدر يشتري له سياره
ويروحون يحتفلون والسعاده والفرحة بتشققهم
ومن زود الفرحة والوناسه والزحام الي في الشارع بهذا اليوم الأغر يصدم احمد بسيارته ويظطر انه يروح يتدين علشان يصلحها
واسرته في البيت مجتمعين على كيكة اليوم الوطني الي شرتها بنتهم ساره وكانت عندها اخر 100 ريال كانت محتفظه به من حافز قبل سنتين ومخبيتها لليوم الاسود ولكن فرحتها بهاليوم ماقدرت تسيطر على مشاعر الفرح وطلعتها 😔
والأجمل ان كل العائله لابسين تي شيرت وكاتبين عليها " الوطن في قلوبنا " مع العلم ان قيمتها مااندفعت لان ابوهم ينتظر الراتب وكما هو معروف ان الراتب موستحيل يكفي لأخر الشهر


وكل عام ووطني الحبيب بخير