[العرنين]

اقروها بقلوبكم فقط
وتقبلوها كما هي بدون تزييف

.
[poem=font="Simplified Arabic,5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
البعد نفس البعد لا صرت متعوب =
في قربها والا اذا صرتوا ابعاد
والوعد نفس الوعد صدفه ومطلوب=
بفراقها والا حضور بميعاد
لا تاخذ الدنيا على حزن مكذوب=
و لا تكتب لروحك مع الهم ميلاد
اخذت باول حب شمس بلا غروب=
واخذت ليل كله آهات وسهاد
كنت اتمادى قلت ماضني اتوب=
واليوم من ذاك العهد شوف وش عاد
استغفر الله شلت في عمري ذنوب=
ماني بحاجة اخذ ذنوب جداد
لا صار بعد الحب بالحيل مرغوب=
البس ثياب بيض لا تلبس حداد
واقرى على روحك مواويل مكتوب =
واظهر لكل الخلق كنك في اعياد
لا تقول في نفسي كما نفس يعقوب =
كم حاجة للنفس تقضى ولا فاد
واليا اشرقت لك شمس لا تقول يا دوب=
خذ من دفاها واترك البرد يعتاد
القلب نفس القلب والحزن عذروب=
والبعد هو و الوصل بالحيل اضداد[/poem]

.
وســـلامـــتـــكــم