[سليمان الشدوي]

السفـــــــــينــــــــه

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

الا ياوجودي وجد من شـال مسبـاح=يغني على عمـره وضيعـة سنينـه
بعد قام حظه باوله باخره طـاح=يديـن الليالـي والليالـي تدينـه
خسر عزته وانهان مـن كـل لمًـاح=وحتى هبوب الريـح قامـت تهينـه
تقهويت من همه الين الصـدر فـاح=وبانت على وجهـي معالـم حزينـه
وقلت ابحر مع البحر واصير مـلاح=واجيب اللالـئ و(الهدايـا الثمينـه)
صنعت السفينه من مساميـر والـواح=وجف البحر من بعد صنـع السفينـه
طلبت الفرج قالوا لي (الصبرمفتـاح)=وانا صبـري يهـد الجبـال المتينـه
ويوم اشتعل بالكف عشرين مصبـاح=طفتهـا نوايـا (مرجفيـن المدينـه)
تضيع الامانه بين مغـدى ومـرواح=امانـه وماكـل الايـادي امينـه
ولو قلت بعض دموعنا (هم وانزاح )=ذرف كل طيب سيل من دمـع عينـه
غريبه غشيم يداوي جراح بجراح=وهو يشتكـي مـن علـة الغرغينـه
ولكنها الدنيـا تمرجـح تمرجـاح=تهين الكريـم اللـي تسابـق يدينـه
ولوتقبل الدنيـا علـى كـف فـلاح=تعشى الفقيـر ولا تلحًـف غبينـه
ولكنهـا زانـت لكسـاب الاربــاح=ومن لايعـرف الا يقضًـب جبينـه
واذا صار شيخ القوم( سارق ومزاح)=تضيًـع ذهانتهـا العقـول الذهينـه
وقليل المروه صار يتوشـح وشـاح=لأ نـه بعـار الجـار لطـخ يدينـه
ومن لايخاف الموت (قصاف الارواح)=يحل الهزيلـه فـي محـل السمينـه
وانا كيف بافصًل تفاصيـل الافـراح=والاحلام ثكلـى والامانـي سجينـه
مضى حبي الاول بلاريـش وجنـاح=وباقـي يقلبنـي بجـمـره حنيـنـه
وياقلب ياللي هايـم بطـرد الاشبـاح=وتتـرك معاليـق الهـدو والسكينـه
فداك الجروح اللي اتعبت كف جـراح=وفدتك الظـروف القاسيـات اللعينـه
على قولهم لوقام مافام مـن طـاح=وانـا اقـول يالله جعلهـم للدفيـنـه [/poem]