[علي الحسني الزهراني]

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]


أغلب خفافيش الظلام يعيش في حالة فصام = في الصبح يطلع لك رجل في الليل يتحول مره
له عدة اسما في ملامحها الإثاره والغرام = لكن واقعها انحدار ومسخره في مسخره
إما طراره أو حقاره أو فقل قل احترام = للنفس قبل الغير والساقط بعد وش يخسره
وإلا الرجل يبدي بوجهه ما استتر خلف اللثام = لو هو دميم تجمله بالطيب طيبة مخبره
الشهم لو بينك وبينه حرب واشتد الخصام = ينصفك من نفسه ويقبل معذرتك وتعذره
لا تحذر الا النذل لو هو جاك في حلة إمام = لا تامنه يرجع لطبعه لو ضحك لك فاحذره
لاتامن الغدار في وجهك يعظم لك سلام = من حين تغفل عنه يطعن في ظهرك بخنجره
لو ما هم اشباه الرجال اللي يلوكون الكلام = ماكان صدقنا (حذام ) ان القطا مستنفره
صدّق حذام اليا حكت فـ( القول ما قالت حذا م ) = واترك خفافيش الفصام البعد عنهم مفخره[/poem]