[سعيد الزهراني]

[poem=font="Simplified Arabic,5,white,normal,normal" bkcolor="transparent" bkimage="http://www.zahran.org/vb/images/toolbox/backgrounds/21.gif" border="double,6,orange" type=2 line=0 align=center use=ex num="0,black"]
قضيه الجوال

--------------------------------------------------------------------------------

]قضية الجوال




دعيت رب الكون سبحانه امرار=الواحد المعبود رب العبادي
ماله شريكن مالك الملك جبار=مهلك ثمود وقبلها قوم عادي
الرازق اللى حاط علمه بمادار. =اطلبه يغفر زلتي ذا مرادي
من رحمته يرسل لناالغيث بأمطار.=وبقدرته تحيا جميع البوادي
والارض بعد الموت تحيابالاشجار=وتشوف بشرا الخير في كل وادي
حليم عالي ساتر الذنب غفار=ماخاب طلابه مجيب المنادي
اشكي له انا الحال والقلب محتار=مماجراى بالكون واحرق فؤادي
ياغبن ابوساعد على كل ما صار.=وابليس شب النار فيها تمادي
يوم عمت الفتنه على كل الاقطار.=ضاقت بي الدنيا بفعل الروادي
حاولت اغيرها مرارن وتكرار=لكن خسارة النصح ماله بوادي
وانا نصحت بسرواعلنت بجهار=وانهيتهم على الفحش في كل نادي
والفتنه هاذي تحرق اقلوب الاحرار.=يندى جبين الحر منها وكادي
لاصاربيد البنت جوال بازرار=يصتادها الشبان صيد الجرادي
من وقتها تبدا مع الحب مشوار=مع العشيق اللى وصل بالجوادي
وبقوله المعسول بين لها افكار.=وتقول هذا الخل ما فيه رادي
يرسم لها المستقبل اشلون هودار.=ويقول باسم الحب وين المعادي
يازين في بعدك تراالقلب ينهار=وانت نظرعيني وغايت مرادي
باخطبك انا والحب ماجاب الاضرار.=بالحل هذا مقصدي ياودادي
واتقابلو في وسط بستان وازهار.=موعد لقا الاحباب والجو هادي
والوقت يسرع حينهادق الانذار.=واهل الهوى والعشق ظلو قعادي
من حينها بين لها القصد باصرار=يوم قال نار الحب شبت وقادي
هذا الفراش ومالك اليوم مصدار.=مالك مفر ولايفيد العنادي
واستسلمت لذيب في ذله وعار=واكبر مصيبه عندهم شيء عادي
واتفرق الاحباب من دون تذكار.=سحقن لهذا الحب بئس المهادي
هاذي هي الفتنه بشرااصبحت نار.=نارن عظيمه شبت ابلا ركادي
ذلت شعوب وفرقت بين الاخيار=وياكم وجيهن بان فيها سوادي
واحناعلى الاسلام والوقت ذاجار.=والامه تصترخ وتعلن حدادي
ذي افات الجوال عنوان الاخطار=نارن تشب ولايبين الرمادي
ميدان للفاسق وبالكيف يختار=فريسته لامن نوا الاصتيادي
يالله تهلك كل فاجر وكفار=.نيته يفتنا ويشعل الفسادي
ولاتخلي من هل الكفر ديار=اهل المعاصي بالفتن والكيادي
واختم بذكر الله علام الاسرار.=واقول صلو عالنبي باجتهادي
[/poem]