المشاركة الأصلية كتبت بواسطة جبل منور
[align=center]الأخت كت كاته أهلا وسهلا بك ضيفهة على كرسي الإعتراف اهلا وسهلاً بك استاذ جبل منور س1 : بحكم أنك أنثى . وعشت خارج نطاق القرية والمنطقة بشكل عام هل تجدين أن بنت القبيلة ينقصها بعض الأمور في حياتها بحكم معيشتها في القرية ؟ كالتعليم والثقافة ابداً ماينقصها شي متعلمة ومثقفة لكن ملاحظاتي. احيانا احضر افراح ومناسبات في القرى اشوف بناتها غير مهتمين بمظاهرهم يعني تكون ماعندها ذوق في اللبس والاناقة وتكون طريقة كلامها عفشة وتتصرف مع اللي حولها تصرفات جافة لكن تكون محافظة على فروضها وممكن تكون دارسة ومتخرجة من الكلية او مدرسة واحيانا اروح قرية ثانية الاقي بناتها غاية في الشياكة واختيار الذوق الرائع اقول ماشالله ولا كانهم في القرى زمان الانترنت اكيد اغلب البنات تدور للموضة والاناقة في حدود الادب وعدم التجاوز وتكون الوحدة مثقفة ومتعلمة يعني الاختلاف اللي لاحظته عن بنت المدينة والقرية هو الاتيكيت في طريقة المباشرة او اسلوب الكلام فقط لاغير .... س2 : من وجهة نظرك الشخصية ,ما هي أهم أسباب العنوسة بشكل عام و في بلاد زهران بشكل خاص .وهل لازال غلاء المهور ,والشاب صاحب الوظيفة المرموقة ,والدخل فوق المتوسط هم أهم الأسباب؟ مااعرف انه في زهران نسبة العنوسة كبيرة كل اللي اعرفهم في زهران حظهم طيب لكن العنوسة اسبابها كثير اهمها المهر وغلاء المهور في زمن الغلاء احد الاسباب الشباب اصبحوا غير مباليين يعني مايبغوا يرتبطوا ببيت وزوجة واولاد خاصة في زمن زواج المسيار والمسفار وسبب اخر بحث الشاب عن العروسة الموظفة اللي تبيض لهم ذهب اقصد اللي تصرف على بيتها مو شرط تصرف على الاخ (سي السيد)لكن تصرف على نفسها واولادها واحياناً مصاريف بيتها ولاننسى احد الاسباب زواج الشباب من الخارج والاجنبيات من سورية والمغرب واليمن حجته غلاء المهور وانه الاجنبية ماتكلف وفي سبب سخيف الشباب حجتهم انه بنت البلد ركبتها سوداء ههههههههه والله في كل منتدى وفي رسايل في بعض القنوات الاقي نفس الكلام عذر تااااااااااااافه وهو الاخ كيف ركبته اكيد متفحمة لكن الجمل مايشوف سنامه وقصدهم يستقلوا بالبنات واكيد اغلب البنات يهتموا بمظاهرهم وشياكتهم واناقتهم واضيف اضافة والله صاروا الاباء يبغا يستروا على بناتهم والبنت واهلها راضيين بالعريس الفقير او المتوسط الحال ماخذين بالحديث (زوجوهم فقراء يغنيهم الله) س3 : هل تلاحظين الأنثى في القبيلة تتمتع بحقوقها كالأنثى في المدينة أم هناك آختلآف ؟ لامافي اي اختلاف تقريباً نفس الشي س4 : من إجاباتك السابقة أجد أنك لآتتقنين اللهجة القبلية وبعض المعاني , فهل هذا يعتبر تهميش للقبلية بحكم المجتمع المدني الذين عشت فيه . مع العلم أن أبناء القبيلة نجدهم في كل مناطق المملكة ومحافظين على لهجتهم وتأصلهم بها ؟ تهميش اعوذ بالله اللهجة الحجازية اتعودنا عليها لان حياتنا كلها في مكة ودراستنا وجيراننا وزميلاتنا خاصة انه الكبار في البيت يتكلموا بهذه اللهجة مع اننا نزور القرية واهل القرية يزورونا لكن ماقدرنا نتكلم اونتقن اللهجة القبيلية خاصة في كلمات صعبة اتعلمت بعضها في المنتدى وهذا والله ليس تهميش ولا تعالي والحمدلله ان اللهجة الحجازية لهجة عربية وجميلة كيف لو كانت لغة عجمية وتحتاج مترجم والحمدلله متمسكيين بعاداتنا وتقاليدنا س5 :ما هو موقفك وبكل صدق من قيادة المرأة السعودية للسيارة ولبنت القبيلة بشكل خاص بحكم العادات والتقاليد .وهل أنتي مع أم ضد الفكرة, مع توضيح الأسباب ؟[/align] والله انا رافضة سواقة المراءة خاصة انه مناطقنا اغلبها مناطق جبلية او صحراوية والمشكلة مو في السواقة لكن مابعد السواقة ايش المشاكل اللي راح تحصل احنا كدة ومصايب الخطف والجرايم والتجاوزات كثيرة وفي مكة الزحمة طول العام حجاج ومعتمرين وزوار نغلق الناقص ونسوق لكن بصراحة قبل فترة بسيطة اتمنيت سواقة المراة اذا كان وليها مسافر او مريض وعندها مواعيد ولاتقدر تركب تكسي او ليموزيين لوحدها اتمنيت في حدود ضيقة وبشروط لكن رجعت اتأملت الحال لقيت انه صعب [align=center]شكرا لك على تقبلك الأسئله [/align][align=center][/align] العفو اخي الكريم