[الفتى الراقي]

[align=center]السلام عليكم ...

بسم الله الرحمن الرحيم


مع اطلالة جديده وبوح جديد انثر حنينه بين يديكم

وأسعد بمشاركتكم إيــآهـ ...

فلسفه هي عنوان بوحي الجديد

أتمنى أن تعجبكم ...


بـسـأل سـؤال واتــركـه لـلمـحبـيـن
أعـظـم حـبـيــب داخل القلب وينـه؟
هذا الســؤال ان كنت تجهله الحيـن
يجيك يـــوم وتـرتـبـك مـن ونـيـنـه
لو قلت قـلبك به وريـد وبـطـيـنـين
وفـيه شـريـان انـسدل مـن يـمينـه
وبــه اذيــن يـسـار ومـثـله يـمـيـن
وبــه غرامه مهـتـني منــه زينـــه
مافيـه دم مـنـتـهـي مـنه مسكـيـن
شربه حبك وارتـوى مـن حنـيـنـه
اسمع جوابي لو تبي تسمعه زين
انـا حبـيـبـي اجـبـر القلب عيـنــه
انه يــشـد رحال في كل يــومـيـن
لاكـن أبــد مـا قــد اطـريت فينـه
لانه اذا ما سـكن فـي الشرايـيـن
اكـيـد انــه داخلـ(ن) في بطـيـنـه
ماقد تركني داخلي منذ عـــامـين
زايد ثلاثه واربعــه من سنـيـنـه
لخبط حسابك واجمعه فيه بعدين
يمكن سبب هاللخبطات المشينه
شي يحز بخاطرك الخـطـا ويــن
اكيد مخطي والخـطـا فـالرهيـنـه
اجمع حروف مشتته بين حرفين
واطرح غلاهـا بين ضمة يدينـه
ولملم مشاعر تايهه بين قلبيـن
وانثر هواها في دروب الغبيـنه
بالمختصر لو تبي بــلّة الطيـن
والا تشوف الفلسفات الحزينه
لا جاك واحد مخترق للقوانين
وعبر محبة بنت خالته زيــنه
يقول انتي ساكنه محجر العين
تراه يكذب .. ما نشوفك بعينه
حتى انا لو قلت محتاجك الحين
يمكن اكذّب واعتمد عالسَكِينَه
لو قلت أحبك كيف وشلون تدرين
كثر الحكي ارجوك لا تسمعينه
هي فلسفه في داخلي تعتبر دين
وملزوم شاعر يدفع اقساط دينه[/align]

[align=right]
ملاحظه : ربما التخصص لعب دوره في قصيدتي هذه

بحكم ان تخصصي في الجامعه (( أحياء .. ))

تحياتي أخوكم / الفتى الراقي[/align]