نهاية
[align=center]لاتقولين انتهينا وانغلـق عشريـن بـاب
لاتقولين اقـدر آحطـم فـؤداك واقهـره
والله انك لو عرفتيني انا مثـل الكتـاب
أوله يجذبك ويشدك معـه ليـن آخـره
لاتقولين انت ماتحسب لخلق الله حسـاب
لاتقولين الـذي يجهـل هوانـا يخسـره
قلت لك لاتحسبين اني انا ناقص عـذاب
أو احب اجذب فؤادك ثم اجـي وآدمـره
لكن اعطي من عطاني ما ترجيت الثواب
والذي ماقـدّر العشـره معـي ماقـدّره
لو سقيتيني من الما ما طردت ورا السراب
لو عطيتيني حنانك ما تعمدت اني اخسره
لو عطيتيني وفا اعطي وفا من لاحساب
لين اصير بذمتي شجره تظلـك مثمـره
ان تكلمتي اقول احلى نغم واروع خطاب
وان سكتي قلت هذي ماتحـب الثرثـره
وان تنكرتي ترى ماني مثل طير الغراب
مايحط على غصون الا غصون العرعره
لي وطن لي ربع واحبـاب او صحـاب
ذكرهم يوم اسمعه دايم ترى لي مفخـره
الخطا مادام جا منك انتي ادرى بالصواب
كلنا نخطـي ولكـن مانحـاول ننكـره
نعتذر عما بدر يابخت من يخطي وتـاب
والذي مايعترف لي بالخطا كيف اعـذره
ليش ماجاني ولامرة ولو كلمـة عتـاب
كل ما جا منك ما جمّع فؤادي ، بعثره
مادريتي ان راسي فوق يتعدى السحـاب
ارتفع عن كل تافه لو يشوفـه يحقـره
مادريتي ان حبك كان لي نجماً وغـاب
مابقي لي منه شي اقـدر اقـول اتذكـره
لاتقولين انتهينا وانغلـق عشريـن بـاب
انتي اللـي انتهـى بالاولـه والآخـره
مع اجمل تحياتي
[/align]
|