[عتام البحري]

[CENTER]بسم الله الرحمن الرحيم
[SIZE="5"]بمعرفتي انا المحقق المالي تم التحقيق مع احد المتعاملين في سوق الاسهم السعودية وكان التحقيق على النحو التالي .
س / اعطني المعومات الخاصة بك من واقع بطاقتك الشخصية .
ج / شريت اسهم !!!!!
س / اقول اسمك اسمك
ج / هاه .. اسمي متعامل في السوق ابيع واشتري في الاسهم .
س / كم عمرك
ج / ربي اوزعني ان اشكر نعمتك التي انعمت علي الاية ..
س/ كيف بدات التعامل في الاسهم ومتى كان ذلك ؟
ج / سمعت الناس يتكلمون عن هذه الاسهم ..ومافيه مجلس ادخله الا واسمع عن هذه الاسهم وجروني وغروني وحسبي الله ..وبدات التعامل بها عام 1426هـ
س / كيف ؟
ج / ابد والله رحت زي ما انت خابر للبنك وسويت محفظه وبديت ابيع واشتري .
س/ هل ربحت في هذه الاسهم ام خسرت ؟
ج / والله في البدايه ربحت وخسرت ولكن المربح كان اكثر من الخساره في البدايه طبعا .
س / هل عرفت تبيع وتشتري على طول ماواجهتك مثلا مصاعب ؟
ح / الحقيقه الذي علمني البيع والشراء عن طريق النت قال لي اذا حمرت اشتر واذا خضرت بع ..وبس .
س / وبعدين ايش اللي سار ؟
ج / ايش اللي سار !! تخبطت في الدمايس !! وقمت احوس وادوس والمستشارين يقولون بع واشتر من تحت .
س/ هاه ..وبعدين ايش اللي سار ؟
ج / ابد والله سرت اللي اربحه اليوم اخسره بكره وفوقه مثله من راس المال
س/ ماهي الاسهم التي تعاملت بها ؟
ج/ عد واغلط ياما وياما من اسهم ..وياكثر الخساير خلها على الله
س / بصراحه كم خسرت ؟
ج / مافيها شي اعلمك .
حوالي ثلاثمائةالف ريال من راس المال .
س / ماهي الشركات التي بعت وشريت فيها ؟
1ـ شركةالراجحي يوم قسموها قالوا الحق اشتر يامغفل تراها بتطير وعزالله طارت فلوسي وشريتها بخمسائة ريال والحين شف بكم !!
2ـ الجدة سابك خسارتي فيها 70% من راس المال .
3ـ طيبة ويالتهم ماسموهابها الاسم .
4ـ ـ بنك البلاد وما ادراك مابنك البلاد 70% من راس المال .
اكمل ... لا ..خلاص .
س/ هل بعت من ممتلكاتك شي ؟
ج / لا .. والحمد لله . ياخوك يقولون فيه ناس باعت بيوتها نسال الله الحماية ..
س/ هل اخذت لك قرض ؟
ج / كذلك لا .. ولله الحمد .... برضه فيه ناس يقولون انهم اخذوا قروض وانهم يسددون من رواتبهم الحين .. الله يحمانا واياكم .
س/ وبعدين كمل .
ج / وش اكمل بدات الخساير وبدات الناس تقول وتقول ومن بغى يبيع ماقدر يلحق والحال باقي على ماهو عليه حتى يومك هذا .
س/ هل لديك اقوال اخرى ؟
ج / ابغى راس مالي .. راسم مالي تكفى ما ابغى الا هوه وبس .
س / هل تصادق على اقوالك ؟
ج/ نعم
وقع .. مااعرف اعطني ابصم.
الخلاصه
بعد التحقيق مع المتعامل في الاسهم اتضح بانه رجل غشيم في السوق ولايعرف يبيع ويشتري في لاسهم واصبح صيدا سهلا في ايدي مايسمى بهوامير الاسهم لذلك كله نقرر مايلي
اولا ـ سحب المحفظه منه وعدم فتح محفظة له مرة اخرى وتسجيلها سابقة عليه .
ثانيا ـ ننصحه بالبقاء في البيت لشرب الشاي والقوهو مع ام العيال ويخلي السوق لاهله .
نصيحه لكل شاب
مما سبق انصح جميع الشباب بعدم الدخول في سوق الاسهم مهما كانت مغريه حتى لايصبحوا ضحايا وفريسة سهله للهوامير التي ما تخاف الله ....والله من وراء القصد ....


وهذا منعلمكم به وزايدها عفاكم