قصه محزنه0000
قصه حقيقية صارة على أحدى شواطى الخليج
فيه اثنين شباب راحوا على البحر يجلسون على الشاطئ ومعاهم عشاهم
وهم جالسين يتعشون جتهم عجوز كبيرة في السن
وقعدت تلقط الأكل المنثور على الارض وتأكل.
ولما شافوها قاموا وقالوها انتي جوعانة
قالت أنا هنا من الصبح وما أكلت شئ
. جابني ولدي من الصبح وراح وخلاني وقالى راح أجي آخذك بعد شوي.
المهم جابوا لها عشاء وتعشت .
وبعد ما تأخر الوقت شالوا أغراضهم وجسوا الشباب إن الوقت متأخر والجو بدا يبرد
وما يصير يتركون العجوز علىالشاطئ لحالها في الليل
وجاء واحد من الشباب وقال لها عندك رقم ولدك نتصل عليه نخليه يجي يآخذك .
قالت العجوز إيه معي الرقم في ورقه . ولما طلعت الورقه .
ايش تتوقعوا مكتوب فيها ؟؟؟؟؟
مكتوب( من يجد هذه العجوز يآخذها لدار العجزه ) انصعقوا
الشباب من المكتوب في الورقه وجلسوا ساعه يترجون العجوز تمشي معاهم .
ويحاولون فيها أنها تمشي أي مكان تبيه
أكيد العجوز رفضت أنها تروح معاهم لأن ولدها وعدها إنه يجي يآخذها
وتبى تستناه لما يجي. وكانت تقول ولدي راح يجي يآخذني وأنا راح استناه .
ماتدري المسكينه إن ولدها تنكر لها ورماها في الوقت الي هي فيه محتاجه له .
المهم راحوا الشباب
عنها وتركوها على أمل إن ولدها راح يجي يآخذها حسب وعده لها
في واحد من الشباب قعد يتقلب في الفراش وماقدر ينام
يفكر في مصير العجوز المسكينة
وقام من فراشه وبدل ملابسه وركب سيارته وراح للشاطئ.
ولما وصل. شاف الإسعاف والشرطة والناس مجتمعين ودخل بينهم
شاف العجوز قد فارقت الحياة ولما سألهم عن سبب وفاتها
قالو له أرتفع معها الضغط وماتت000 ياالله ياالله
ماتت من خوفها على ولدها يمكن يكون صار له شئ.
ماتت وهي تنتظر ولدها يجي يأخذها.
ماتت وهي بعيده عن أهلها.
الله يرحمها برحمته ويدخلها من أوسع ابواب جنته .
أدعوا معي آمين.
أرجو من كل من يقرأ هذه القصه أن ينشرها لتكون موعظه لكل عاق لوالديه
|