المشاركة الأصلية كتبت بواسطة زهرانية أبا ًعن جد
السلام عليكم بما انكم ماشاء الله كفيتم ووفيتم وماخليتم ولا شي الا وقلتوه مابقي لي الا اني اتكلم عن العروس زمان كيف كانت الحين امي تنقلني الكلام وانا اكتب لكم تقول العروس كانت تستحي مررررره اذا جا العريس تنتزي من الخوه (فتحه مربعه ويحطون لها حجاره يعنني انها درجه) تندس في السفل لين يروح العريس ولو تقطعينها ما بدت فيه نهار الصده : اول شي ياخذونها بملابسها اللي عليها ويلبسونها بمشلح اسود أو مصنف( مخطط باصفر واخضر )ويركبونها فوق الجمل ويركب قدامها فوق الجمل واحد من محارمها واذا وصلوا بيت اهل زوجها ياخذونها الرواحات اللي معها ( قريباتها الحريم ) ويقعدونها في ركن البيت في الحده ورى ظهورهن ولا احد يشوفها ابدا ولا بشر وبعد العشاء تاخذها امها وتدخلها عليتها ( غرفة العروس الخاصه فيها ) وفي صبح النهار الثاني : تصبح العروس متصمده بالشيله والمسفع الاصفر وتاخذ السلسله اللي هي الصفايح وحزام الفضه وتتكحل ويديها وارجولها متحنيه ويا زينها زيناه ووالله انها احسن من عروس ذلحين وخلاص تطلع في الصباح تسوي القهوه وتدرج تصبها على قرايبها الحريم اللي جالسات في المجلس وبعدين تسرح تستقي من البير وتعبي القربه وتشيلها فوق ظهرها( وتقول انها قربه كبيييييره وثقيله ) كان العرس ثلاثة أيام واهل العروس والرواحات اللي مع العروس كلهم يقعدون عند اهل العريس طول هذي الايام ثالث يوم يكسون الحريم مصانف فوق رؤوسهن ويروحون يمشون لبيوتهن ومصانفهن فوق روسهن << فرحانين فيها وتقعد جدة العروس معها اسبوع عشان تتجرأ البنت شويه لانها تستحي وخلاص تعيش مع اهل العريس تخبز وتلبز وتعصد وتسوي المرقه هذا العرس زمان باختصار صحيح اني ماعشت هذيك الايام اللي حكيتها لكم لكني عشتها الآن من كلام أمي