[زهرانية أبا ًعن جد]

تسلمون يانسيم ويا سحاب

مسميات المسفع للي مايعرفه :

المنديل - البشكير - المسفع - المصمد - المعصب

-------------------------------------------------
بالنسبه لسلامك على امي يا نسيم تراه وصل وتقول الله يسلمك


و تراها تذكرت حاجه ثانيه عن العروس

عطر العروس :

اسمه ابو حنش يشترونه من عند فرقنا ( البائع المتجول اللي يجيب البضاعة فوق راسه في الصندوق

ويقعد في الزربه ( ساحة واسعة ) ويتجمعن الحريم ويتداعينه يعني كل واحده تدعي الثانيه )

سعر العطر :

فيه بريالين وفيه بسبعه ريال بس اللي بسبعه ماتشتريه الا واحده بطرانه <<< ههههههه

ريحته تصدع الراس
----------------------------------------------

الكحل :

الكحل عباره عن حجر اسود يدقونه بالمهراس لمدة ثلاثة ايام او سبعة

ولا يدقه الا واحده طاهره <<افهميها لا تعليق

يشترون للعروس كحل جديد خاص فيها ويقولون اللي يتكحل من كحل العروس بعدين ما يبان في عيونها <<<امي تقول خراط ذي كله

اعتقادات كانوا يعتقدونها

-------------------------------------------

سألت امي ما تحطون روج ؟؟؟

قالت الله يديم مسواك العرعر

اما الشعر كانت العروس تمشط شعرها بنفسها وتظفره اثنين وتنسعه ( تفرق شعرها من فوق الجبهه وتحط ثلاثه

ظفاير نحيفه فوق سدغها يمين ويسار ) والباقي تظفره اثنين واحد يمين وواحد يسار وتحط فيه ريحان وبعيثران

وتحطه عكافه فوق نقعة راسها ( وسطه ) تحت الشيلة والمسفع (يعني تاخذ الظفيرتين وتلفها فوق الراس )

نسيم الحقي تقول امي انهم كانوا يخيطون شعورهم بالابره والخيط الاسود ( يخيطون الظفاير ) << مادري هم يخافون تطير والا ايش

وجدتي ام امي كانت تجمع البنات عندها وتظفر شعورهم كانت فنانه في الظفاير

كانت تحط للبنات ثلاث ظفاير يمين ويسار واذا جا دور امي كانت جدتي تركز في شعرها وتحط لها سبع ظفاير

نحيفه يمين ويسار عشان تبغاها تصير احلى واحده

يووووووه يانسيم الحقي تقول انهم كانوا يغسلون شعرهم بالتايد <<< نظافه اكيده

وبعد ماتغسل شعرها تدهنه بزبده او زيت الرانجون ( دهان مثل السمن ) يقولون انه يغذي الشعر ويطوله هههههه

وخلاص سلامتكم واذا تذكرت الوالده شي باكتبه لكم

الله يعطيك العافيه يانسيم انك ذكرتينا بالماضي