[مـ ـخـ ـرِبـ ـهـ ـآ]

بسم الله الرحمن الرحيم

::
:: ::

الموضوع وما فيه بكتب رسايل جوالي , اللي بـ الصندوق الوارد
وبأضيف عليها تعليقات , وراح ابدا باخر رساله وصلتني :

- (( الثانيه والنصف تاجي البطاريه انتهت ))
هذي الرساله من الوالد
وقتها مشورني لأن سيارته كانت فـ الورشه

- (( ..... ))
هذي الرساله برضه من الوالد
بس فاضيييييييه شكله كثر من الشيشه وقتها

- (( إذا بتجي ارسل كول مي ))
هذي الرساله من قريبي , وقتها كنت متفق امر عليه
المهم عرف اني طفران وقال ارسل كول مي

- (( بلغك الله رمضان , وانت بأتم صحه وعافيه , وغفر لك ولوالديك .
اخوك عمران بن موسى ))
هذي ارسلها لي ولد عمي , اكبر مغلق فـ الحياه

- (( سارا يرغب بالدردشه معك , الرجاء الدخول لبريدك ... الخ ))
هذي وحده تبغى تدردش معي , في خدمة ابواب حق سوا
بس انا ثقيييييييييل وساحب عليها

- (( كل عام وأنت بالف بخير , ورمضان كريم ))
هذا اخويه ارسلها لي
اعتقد من الطفش في تبوك صار يرسل رسايل

- (( دق ابغاك ضروري لا تنسى ))
هذا اللي ارسلها لي خالي , لان جوالي اكثر الأحيان مقفل
المهم سويت إني ما قريت الرساله وما دقيت عليه

- (( أنا محمد بغيت اسأل وش سويت فـ الكليه ؟ ))
هذا رحيمي دق من رقم غريب فما رديت
راح دغري شق وجهي بذي الرساله

- (( تعال بثوب وشماغ لا تنسى ))
هذا واحد اقاربي
يبغاني اقدم في نفس المستشفى اللي هو شغال فيه

- (( ياسين دق علي ضروري ابييييييك ))
هذا نفسه اللي يقول جيب معاك شماغ لا تنسى
بس نسيت وش كان يبغى

- (( الله يوفقك يا أخ ياسين , وآسف على النقاش اللي صار
وارجوك لا تزعل مني ,ونا اخوك والله إني ما ابغى احد يزعل مني
ربمااسلوبي كان جاف معك , فأرجو العذر ))
هذا اللي ارسلها العضو الراس الصغير
وقتها تخاصمنا في موضوع , وبعدين قلبناها رسايل خاصه
اليييين طلب رقمي ودق وحلينا المشكله , وارسل ذي الرساله

- (( أنا وصلت وداخل المركز دعواتكم لي , فمان الله ))
هذا اخوي ارسلها لي اول ما وصل الوجه

- (( وين الكونكت ))
هذا اخويه توه طالع من الدوره , والرجال صرماااااان نت
فـ دق عليه وما رديت , راح فقشني برساله

- (( 3 صحن مسحب عايدي , وواحد صحن مسحب حراق
ونص عايدي وواحد سندويتش عادي ))
هذا ولد عمي , بس مو نفسه المغلق اللي فوق
ويوصيني اول ما اطلع من كارفور اشتريها

هذي الرسايل كلها اللي بـ الصندوق الوارد , من غير الكول مي
لان اي واحد يرسل لي كول مي , ارجع افقشه بـ كول مي وامسحها

يالله الحيييين بضف وجهي
اللي معاه محش او تعليق او اي شي عادي نتقبل

اشف ريحة محشات جايه جري