[نسيم السروات]

مساءكم عسل يابنات أنا جيت قولوا يالله حيها قوام

اليوم رحت للنادي أجس النبض أنا من زمان أنتهي أشتراكي

في النادي من قبل الصيفية فقط أروح بعض المرات أحضر ندوات ودروس وزيارات خفيفه

واليوم رحت وجددت أشتراكي لمدة 6 شهور بـ ( 1600) ريال .

واللي حزني اليوم يابنات أن الجيزانية اللي كانت تفتش عند الباب شالوها وحطوها جوه

عند الدرج إلى يؤدي إلى البدروم وحطوا لها مكتب صغير وسط السيب لحالها تحزن طبعاً هي عجوز ومريضه بعد

وأستغربت مالقيتها عند الباب تفتش ودخلت جوة وحصلتها وقلت لها وش اللي جابك يأم أبراهيم هنا لوحدك قالت لي

بصوت حزين مدري ودنقت برأسها وسكتت وسلمت عليها ورحت بغيت أقول لها سامحيني تراني حشيت فيك في

منتىدى زهران فخفت أنها تزعل علي وهي مريضه فتركتها .

المهم دخلت إلى الجلسات في الحديقه وإلاقي طاوله طويله عريضه مليانه كلها زهرانيات أعرفهم لمن شافوني صاحوا فينك من زمان

يالقاطعة عن المركز وطاولتهن مليانه من كل ماهب ودب وشاهي وقهوة وتمور وحلويات قلت هل جايات تخففون الوزن أم جايين

عندكم مشروع تسمين وش هذا مالت عليكم كل ذا الخيرات وجالسات وسواليف أنا من اليوم ما أعرفكم ولا تعرفوني لأنكم تخربون

على الوحدة عزيمتها قالوا ترى بس اليوم والله ماعاد نعودها وحدة منهم جايبه تمر مغطى بحليب مركز مع كريمه طعمه يجنن

أكلت الين بغيت أدوخ تخيلوا لو كل يوم أجلس معهم قسم لأصير مثل بقرة جدتي زمان كانت إذا بركت ما عادتقدر تقوم .

هذا من مشاهد اليوم في المكركز والمشهد الثاني معكم بإذن الله تعالي يوم الخميس .

وتصبحون على خير. اللي تبي رقمي الخاص بالطعلة تراسلني هالحين قبل ما أنام .