ماعندي اسم للموضوع

[الراس الصغير]

اقتباس: المشاركة الأصلية كتبت بواسطة كت كاته      اعطيكم هادي النكتتين يارب تعجبكم لاتقولوا بايخة والله حلوة &&&&&&& استأجر واحد حكيم جحا عشان يشيللو صندوق مليان قوارير قزاز ، وقلّو الحكيم إنو حيعلمو 3 حكم ، وهما ماشين في الطريق ، وجحا شايل القوارير على ظهره ، قال للحكيم هيا يا بويا هات حكمك ، قلو الحكيم خد : الحكمة الأولى : اللي يقلك إنك تكون جيعان أحسن من إنك تكون شبعان .. لا تصدقو . فقلو جحا : طيب والتانية . فقلو الحكيم أما التانية : فاللي يقلك إنك تكون ماشي أحسن من إنك تكون راكب .. لا تصدقو . قلو جحا : والله .. ها وإيش التالتة : قلو الحكيم التالتة : اللي يقلك إنك حتاخد فلوس أجرة على شيلك القوارير .. لا تصدقه . قام جحا .. رمى للحكيم قواريره على الأرض .. حتى اتكسرت كلها . وقلو : اللي يقلك إنو في هدا الصندوق قارورة سليمة .. لا تصدقو ! &&&&&&&&&&&&&&&&&&&&&&&&& يقلك دخل حرامي بيت جحا .. وراح يدوّر هنا وهناك .. يمكن يلاقي شي يسرقه .. لكن المسكين .. ما لقي فبيت هادا التعبان شي .. فلمّن طفش .. قلو عقلو .. يا واد يا حرامي اخرج بسرعة .. قبل ما يلمحك أحد .. وهو خارج لمحلو خزنة قديمة وكبيرة في زاوية البيت .. كيف راحت عن بالو .. المهم دخل السرور قلبو .. وقلو عقلو .. ربنا جبر خاطري الليلة !! وراح يفتح الخزنة .. يمين .. شمال .. والله مقفولة بقوّة .. وكأنها مقفلة من جوّى ! ولكنو خلاص .. ما لقي غيرها .. وفاتحها .. فاتحها .. هذي الليلة ! قصرو في النهاية انفتحت معاه .. ولكن ايش طلعلو فيها ؟! 7 7 طلعلو عمّنا جحا .. جالسلو فيها .. !! الحرامي .. انبله .. وقلو : ايش تسوّي هنا يا مجنون ؟! قلو جحا : والله يا الحرامي .. انا كنت شايفك ومراقبك .. من أول ما دخلت البيت .. وحزنت عليك .. تدوّر هنا وهناك .. منتا لاقي شي تاخدو .. وصراحة انا خجلان منّك كتير .. عشان كدا .. اتخبيت داخل الخزانة .

اسعدك الله على هذا البحث الجديد



صراحه نكته روعة ههههههه
واللي محليها اللهجه المكاويه

[شذى الريحان]

ربي يجبر بخاطرك ياراس صغير
والله انتا تشجع وتخليني اتحدى اللي ماتعجبهم اللهجة
اسعدني مرورك وتعليقك