كسرات

[ألمحيط]

مــشـاعـري تـحـتـرق وتـــذوب ... مـــجــروح بـالـحـيـل واعــانــي
والــمـرء مــالـه عــن الـمـكتوب ... لا صــــار مــــن امــــر ربــانــي
...
لا تـهـمـل الــجـرح يـــا دكــتـور ... عـــالــج جـــروحــي وداويــهــا
لـوبـكـشف الـخـافي الـمـستور ... تـــقـــدم عــلــيـهـا وتـنـهـيـهـا
...
هــات الــدوى يـا خـفيف الـروح ... عـــجـــل عــلــيــه وداويـــنــي
قـــدام روحـــي عــلـي تـــروح ... الـــلــي اســـاهــا مـآسـيـنـي
...
راضـــي بـحـظـي ومـقـسومي ... مــــــادام امــــــري بـــيــد الله
ارجـــيــه واقـــــوي اعــزومــي ... مــن كــان فــي جـانـبه ارضـاه
...
الــلـي فـقـدته بـشـهر الـصـوم ... مــنــزالـه الــمــنـزل الــعــالـي
مـنـساه طــول الـعـمر لــو يـوم ... ويـبـقـى مـكـانـه مـنـه خـالـي
عـمـي رجــل مـن خـيار الـقوم ... غــالـي وهـــو عـنـدنـا غــالـي
مـرحـوم دايــم وهــو مـحـشوم ... وقـــدره مـــع الــواحـد الـوالـي
وعـيـد الـفـطر لـلـجميع عـمـوم ... والــفـقـد كـــدر عــلـى بــالـي
الـعـين تـسـهر مـاجـاها الـنـوم ... والـحـزن فــي الـقـلب مـتوالي
...
يـحـاسـبـوني عــلــى طـيـبـي ... يــبـطـون مـــا غــيـروا مــبـداي
مـــا كـــل مــشـوار يـسـريـبي ... امـشي عـلى رغـبتي ورضـاي
...
شــهـر الـفـضيله عـلـينا اقـبـل ... يــــارب تـكـتـب لــنـا الـغـفـران
ورضــاك فــي كــل مــا نـعـمل ... مــنـك الــجـزاء جـنـة الـرضـوان
...
يــاربـي أســالـك وانــت أكــرم ... تـصـلـح لــنـا ســايـر الاعــمـال
يـــارب وانـــت عــطـاك اعـظـم ... تـكـتـب لــنـا عــالـي الـمـنـزال
...
الــشــهـر هـــلــت تـبـاشـيـره ... حـــــظ الـــــذي وفــقــه ربــــه
وخـــصــه بــلـطـفـه وتــدبــيـره ... مـــن بــيـن كــل الـبـشر حـبـه
...
قــولـوا لــمـن حــبـه الـخـفـاق ... لــلــحـب شـــرعــه وقــانــونـه
امــــا مــحـبـة صــفــا ووفـــاق ... والا انـــك تـعـيـش مـــن دونــه
...
احـتـرت انـا فـي مـذاهب نـاس ... مــافــيـه مـــذهــب يـطـمـنـي
اعــامـل الــنـاس بـالاحـسـاس ... والــنــاس عـكـسـه تـعـامـلني
...
عـلـمني الـوقـت كـيف انـساك ... وانـــســى لـيـالـيـك وايــامــك
يـــا مــن تـغـيرت فــي مـبـداك ... وغـــرتــك الايـــــام ووهــامــك
...
تـلـبـسوا فـــي جــلـود الـضـان ... وهـم شـلة وحـوش فـي غـابه
جــونـا بـطـيـبه وحــلـو لـسـان ... مــــا كــنـهـم نــــاس حــرابــه
...
عـنـدي لـطـبع الـبشر مـقياس ... لــمــا يـتـعـدى عـــن حـــدوده
اذوقــــه مــــن مـــرار الــكـاس ... واثــنــيــه بــالــحـق واقـــــوده
...
اعـتب عـلى قـلبي الـلي مـال ... والا عــتـابـي عــلــى طـبـعـي
الـلـي جـعـل لــك مـعـه مـنزال ... حـتى اخـتلف واخـتلف وضـعي
...
مــتـربـيـه بــالـجـبـال الـــنــوف ... الـــلــي تــلامــس سـحـايـبـها
دايــم وهــي لـلـشموخ ولــوف ... ولافـــيــه حـــاجــه تــعـذربـهـا
مـسـتكمله مــن حـلا ووصـوف ... واجــمــل مــذاهـب مـذاهـبـها
ظــبـيـه ومـسـكـانـها مــعـروف ... مــن عــذب صـافـي مـشـاربها
...
نـمـشي مــع الـطيبين سـنين ... بـالـطـيب والـمـذهب الـصـافي
وبــسـم الــوفـا نـقـدَر الـوافـين ... حــتـى يـتـبـين لــنـا الـخـافـي
...
الــمــعـذره مـــنــك يــاقـلـبـي ... حـبـيـت مــن لا يـعـرف الـحـب
دايـــم مــعـك مـوقـفه سـلـبي ... ودايــم وجـرحـه عـمـيق مـغـب
...
حـطـمت قـلـب الـصـديق الـبـار ... وذاك الــغـلا داخـــل اضـلاعـي
يـالـلـي تـخـفيت خـلـف سـتـار ... وطــبـعـك تــغـيـر بـــلا داعـــي
...
اعـطـيت بـعـض الـعـرب فـرصـه ... قــلـنـا يــعــدَل مـــن اوضــاعـه
لــكــنـهـا طـــالـــت الــقــصــه ... وبـــــان قـــصــده ومــطــلاعـه
...
اجــيـال راحــت وجــات اجـيـال ... نــفــس الــمـبـادي مـبـاديـهـم
مـــا تـغـيـر الـطـبـع و الـمـنـوال ... والــواقـع الـلـي انـعـرف فـيـهم
...
تـــــكــــرر الــمــشــهــد الاول ... وقــصــتــه نــصــهـا مـــعــروف
لــــكـــن تــبــيــن ولا طــــــول ... وســار لاهــل الـعقل مـكشوف
...
الــنــاس تــشــره وتـسـتـغرب ... هــذا الاســى الـمر وش جـابه
ســـــار يــتــقـرب ويـسـتـقـرب ... واتـعـب فــؤادي عـلى حـسابه
...
امـشي مـع اهـل الـوفا والـراي ... واعـــتــز وافـــخــر بـصـحـبـتهم
واحرص على اللي على يمناي ... الــلـي عـلـى الـصـدق نـيـتهم
...
مـــا نـــي مـكـلـف ولا مـجـبـور ... عـنـدي مــن الـهـم مــا يـكفي
لا تــلـف فـــي عـالـمك وتــدور ... وتـبـدي لـنـا عـكس مـا تـخفي
...
تــــعـــذروا بــــعـــد زلـــتــهــم ... فــي وقــت مــا يـنـفع الـمعذار
وعـــادوا لــنـا بــعـد قـسـوتـهم ... مـــن بــعـد مــا قـلـوا الـمـقدار
...
بــيــنـي وبــيـنـك ســــلام الله ... الــلـي بــقـي بــعـد عـشـرتـنا
يـالـلـي عـلـيـنا الـجـفـا تـرضـاه ... ونــســيـت مــاضــي مــودتـنـا
...
يــالــيــتـنـا مــــــــا تــولــعــنـا ... ولا عــرفــنــا طـــريــق الـــــود
شــفـنـا لــنــا شـــي يـنـفـعنا ... نــاخــذ مــنــه بــالـوفـا ونــــرد
...
سـعـيـت بــحـر الـحـياه وتـهـت ... لا بــــر عــنــدي ولا مــرســى
والـيـوم وســط الـغزير اصـبحت ... مــن طـلـعة الـصبح لـلممسى
...
مــشـتـاق لــلـحـرف والـمـعـنـا ... وعــذوبــة الــقــاف وشــجـونـه
الـلـي بــالا حـسـاس يـجـمعنا ... ولا نــقـدر نـعـيـش مــن دونــه
...
كــيـف اتـمـعـنى وانــا مـجـروح ... اقـــضــي الــلــيـل بــجـروحـي
مــن يــوم قـفـى حـبيب الـروح ... وطـــول غـيـابه عـلـى روحــي
...
الــيـوم مــا نــي عـنـه راضــي ... تــزاحـم الــهـم فـــي صـــدري
يـالـيـت يــرجـع لــنـا الـمـاضي ... الــلــي فـقـدنـاه مـــن بـــدري
...
حـتـى مـتـى يـا ريـاح الـشوق ... وانـــتـــي عــلــيـهـم تــوديــنـا
نـسـري ونـرجـع نـهـل الـمـوق ... وعـــلــى الــمــدامـع تــرديــنـا
...
مـــن يـتـبـع الـسـيـئ الـهـدام ... يـنـهـد صــرحـه عــلـى راســه
ولا يــتــقــدم شـــبــر قـــــدام ... ولا يـكـتـمل لـــه صـفـا كـاسـه
...
الـديـن واضـح وضـوح الـشمس ... مـايـحـجبه شــي عــن نـاسـه
اخـلص وصـل الـفروض الخمس ... تـلـقى هــدى الـقـول وقـياسه
...
بـعـض الـبـشر نـجـمهم عـالي ... الله رفـــعـــهـــم وعـــــلاهــــم
مـــن يـومـهـم نـبـعـهم حـالـي ... والله بــــالاخـــلاق حــــلاهـــم
...
لـيـتـك تـريـثـت بـعـض الـشـي ... وتــحــصـد نــتــايـج قـــراراتــك
كـثـر الـعـجل مـشـكله لـلـحي ... خـــل الـتـأنـي مـــن اصـفـاتـك
...
الــهـدم مــاهـو كــمـا الـبـنـيان ... والــفـرق مـــا بـيـنهم شـاسـع
الله خــلـق عــقـل لــلا نـسـان ... وســـع اتـجـاه الـفـضا الـواسـع
...
حـــنــا مـــعــك يــارســول الله ... فـــي ديـــن ربـــي وتـشـريـعه
نــخــضـع لامــــره ولا نــعـصـاه ... ونــلــبــي نــــــداه ونــطــيـعـه
...
بـعض الـخلايق حـسين اخلاق ... نــفــسـه وروحــــه شـفـافـيـه
والـبـعض مـا هـو وسـيع نـطاق ... كـــلـــه غـــمــوض وضــبـابـيـه

راشد الجمعان